كلمات شباب مصطلحات شبابية قاموس المصطلحات الشبابية
موضوع
متجدد كلمات شباب مصطلحات شبابية اجمع فيها اخر هبات الشباب من كلمات
بصراحة الحين الواحد يبيله قاموس هههههه بعض الأحيان تجيك كلمة ما تدري وش
معناها ...
قاموس المصطلحات الشبابية
ابو كلب = البضاعه الرخيصه و السيئه واذا قيلت لشيء معناها "سيء".
ابو ريالين = البضاعه الرخيصه و السيئه واذا قيلت لشيء معناها "سيء" .
مهوي / مفهي = شخص ضايع أو غير مبالي بعواقب الامور .
المووووت
= كلمة تعني الإعجاب بقوة , مثلا ً اكلت البارح وجبة بيتزا هت الجديدة
يسئله احد الشباب وكيف الطعم يقول الموووووت ههههههه الله يطول بأعمراكم .
بلطجي = كلمة مأخوذة من احداث ثورة مصر والبلطجية , معناها تاخذها بالقوه او بالغش .
مخرف = يعني يتخيل او ناسي .
مع نفسك = يعني سو هالشيء لحالك .
وش تحس فيه = كلمة تعني الإنتقاد والإستغراب من فعل ما .
انبراش / انبرش = يعني داخل بالموضوع بشكل خاطيء
داخل عرض = يعني داخل بالموضوع بشكل خاطيء احيانا تكون لقافه
شباب في رحلة = يعني مشي حالك هههه لما تسوي شيء غلط مثلاً تقول شباب في رحلة .
طقطقه = معنانه استهبال على احد مثلا مجموعة من الشباب بينهم واحد على نياته يقلون نطقطق عليه .
ما عندك احد = يعني شيء مو مضبوط . مثلا ً اقول الساجي ماعندك احد يعني ما سوى الشيء الصح او مايعرف يسوي الصح .
لا تدف = تعني لا تهاوشني او لا ترفع صوتك علي هههه وعادة تنقال لما الواحد يجاوبك او يتكلم معك بحماس زايد .
اللي عنده كلمة يرد علينا فيها وراح اضيفها الى قاموس المصطلحات الشبابية
